O salón de actos do concello de Bóveda acolle este venres, 16 de outubro, a partir das 18.00 horas unha xornada formativa do Plan de transferencia para o apoio ás actividades de demostración e de información ao agro galego 2020. A actividade que leva por título “O Castiñeiro de froito: planificación e deseño das plantacións” ten unha duración de 4 horas.

Os destinatarios da proposta son as persoas vinculadas profesionalmente cos sectores productivos relacionados coa agricultura, gandaría, industria agroalimentaria e cadea foestal-madeira, ou mozos con expectativas de incorporación no medio rural galego.

Inscrición de balde no enlace da web da Consellería do Medio Rural. O formulario enviarase a: info@castanadegalicia.org