IniciosociedadeUnha semana de adianto para as Patronais de Chantada no 2022?

Unha semana de adianto para as Patronais de Chantada no 2022?

O grupo socialista quere fixar por consenso os festivos locais en Chantada e solicita que xa que a festividade da Festa da Empanada no ano 2022 sería o 30 de agosto, as festas patronais se adianten unha semana.

Publicado o

POR
Redacción
- Advertisement -

A designación de festivos locais no concello de Chantada vén xerando certa controversia tanto a nivel político como social. Tradicionalmente escóllese a Festa da Empanada (último martes do mes de agosto) e a festividade do Faro (8 de setembro) ou o San Lucas (18 de outubro). Estas dúas últimas datas altérnanse, a pesares de que o grupo municipal socialista leva pedindo en varias ocasións que o día 18 de outubro non sexa festivo local, dada a pouca repercusión económica e comercial, segundo o PSOE. Con todo, os socialistas aseguran que dende o goberno local non se materializa en feitos o compromiso de palabra de consensuar as datas idóneas para os festivos que lle corresponde establecer ó Concello.

Os socialistas aseguran que despois de escoitar a membros do sector comercial e hostaleiro e tendo en conta que este ano e o vindeiro están marcados polas limitacións da Covid, fan as seguintes suxestións:

  • Dado que a festividade da Festa da Empanada no ano 2022 sería o 30 de agosto, que as festas patronais se adianten unha semana. Celebrar esta festividade no último día de mes non parece o máis aconsellable para un sector xa bastante castigado polas consecuencias da pandemia.
  • Propoñer como festivo local o 8 de setembro (día do Faro), dado que o 18 de outubro non aporta a idoneidade axeitada a nivel social, económico e comercial que se pretende obter nunha festividade local.

ÚLTIMAS

Afra Blanco: “A Feira do Viño de Quiroga é a primeira festa de Galicia que eu descubrín”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...