A Xunta de Galicia vén de entregar dúas vivendas de promoción pública no casco histórico de Monforte de Lemos, situadas no edificio nº1 da rúa Armando Cotarelo. Trátase de dous pisos adxudicados en réxime de alugueiro, un deles cunha superficie de 80,92 metros cadrados e dous dormitorios, e o outro con 89,37 metros cadrados e tres dormitorios.

O delegado territorial da Administración galega, Javier Arias, lembrou durante o acto de entrega das chaves ás persoas adxudicatarias que para optar a algunha destas promocións autonómicas é preciso inscribirse no Rexistro Único de Demandantes de Vivenda da Comunidade Autónoma, accesible tanto a través da sede electrónica como nas oficinas do Instituto Galego de Vivenda e Solo (IGVS).