HomesociedadeMonforte conmemora o Día Mundial contra o cancro de mama

Monforte conmemora o Día Mundial contra o cancro de mama

O Alcalde, José Tomé Roca, recibiu ás representantes da Asociación Española contra o Cancro en Monforte, e manifestoulles, en nome de todos os monfortinos e monfortinas, o apoio ás persoas afectadas polo cancro de mama. Ademais, a Torre da Homenaxe de San Vicente permanece iluminada en cor rosa.

Publicado o

POR
Redacción
- Advertisement -

Dentro dos actos conmemorativos do Día Mundial contra o Cancro de Mama, o rexedor municipal, acompañado pola 1ª Tenente de Alcalde, Gloria Prada, e polo Concelleiro de Servizos, José Luis Losada, departiu coa Delegada da AECC en Monforte, María Luisa Sobrino, quen acudiu acompañada pola psicóloga da asociación, Arantxa Vida, e pola traballadora social, Rocío Fernández. 

As representantes da AECC fixéronlle entrega ó Alcalde da camiseta conmemorativa deste día tan especial, coa que posaron en foto de grupo, baixo o lema “#sacapechoporellas”.

Ademais, o Concello en sinal de apoio ás persoas afectadas por esta enfermidade, iluminará a Torre da Homenaxe de San Vicente de cor rosa.

Cada ano, o 19 de outubro celébrase o Día Mundial Contra o Cancro de Mama como recordatorio do compromiso de toda a sociedade na loita contra esta enfermidade. Deste xeito, o obxectivo desta conmemoración é concienciar á sociedade da importancia da investigación e o diagnóstico precoz desta enfermidade, que é o tipo de tumor máis frecuente en mulleres.

Neste senso, o  Alcalde recordou que “dende o Concello de Monforte, sumámonos a esta iniciativa e queremos facela extensiva a toda a cidadanía iluminando de rosa a Torre da Homenaxe, pois cancro de mama é o tumor máis frecuente nas mulleres occidentais e en España diagnostícanse ó redor de 33.307 novos cancros de mama ó ano”.

Por esta razón, o Concello de Monforte sumarse ó chamamento da Asociación Española contra o Cancro (AECC), asociación que dispón dunha serie de servizos e programas para a atención integral das persoas con cancro de mama. Dende a AECC destácase á necesidade de informar, xa que o cancro de mama é unha enfermidade grave, pero pódese curar si se detecta a tempo. A AECC tamén ofrece servizos como atención psicolóxica, atención social e acompañamento. 

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...