O edificio para o albergue está situado na Praza da Condesa no centro da capitalidade da Pobra do Brollón, a escasos metros do Camiño de Inverno. “O proxecto do albergue permítenos reforzar a economía local a través do turismo dotando de infraestrutura necesaria para o camiño,” declarou o alcalde, Xosé Lois Maceda. A localización do futuro albergue forma parte dunha “estratexia a longo prazo de revalorizar e embelecer o centro histórico” da localidade.

Os fondos da adquisición proceden dunha subvención da Xunta. O total do proxecto – incluída a compra e as obras – está presupostado en aproximadamente 195.000 €, financiados pola Xunta e a Deputación.

Actualmente o albergue máis próximo no Camiño de Inverno está en Quiroga, a aproximadamente 22 quilómetros da Pobra do Brollón. O proxecto de albergue pretende cubrir este baleiro de infraestruturas no camiño, que polo de agora sorteouse cun albergue solidario provisional instalado en 2018 no polideportivo municipal.