IniciosociedadeNovo obradoiro de emprego para O Saviñao, Sober e Pantón

Novo obradoiro de emprego para O Saviñao, Sober e Pantón

O Concello do Saviñao desenvolverá un ano máis un obradoiro de emprego xunto aos Concellos de Sober e Pantón que foi concedido pola Xunta de Galicia cunha achega de 346.946 euros.

Publicado o

POR
Redacción
- Advertisement -

O obradoiro Ricra IV permitirá formar, durante 9 meses, a 20 alumnos-traballadores en dúas especialidades: carpintería e forestal.

O módulo de carpintería permitirá aos tres concellos facer mobiliario e equipamento de todo tipo coma varandas, bancos ou estanterías, entre outros traballos que recolle o propio proxecto.

Co módulo de forestais, o Concello do Saviñao levará a cabo unha poda acorde coas necesidades tanto na devesa de Escairón coma na de Currelos guiada por un monitor especializado. No caso do Concello de Sober, o proxecto recolle o percorrido dos Chancís e a romaría de Cadeiras e no de Pantón, o campo da feira de Pantón, o espazo público de Galegos e as zonas verdes de Ferreira.

O alcalde do Saviñao, Carlos Armesto, sinala que “o obradoiro de emprego permite formar a persoas desempregadas para facilitar o seu acceso ao mundo laboral ao mesmo tempo que xera emprego e favorece que os Concellos poidan sacar adiante determinados proxectos”. Está previsto que o obradoiro de emprego comece a partir da primeira quincena de decembro.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...