HomesociedadeEmbelecemento e mellora de espazos públicos en Currelos

Embelecemento e mellora de espazos públicos en Currelos

O goberno local continúa coa súa liña de estratéxica de mellorar as distintas zonas do municipio e de dotar de mellores servizos aos veciños. Desta volta, acometéronse distintas actuacións de embelecemento no centro de Currelos, así como no acondicionamento de accesos e de espazos públicos municipais.

Publicado o

POR
Redacción
- Advertisement -

Segundo explica o alcalde, Carlos Armesto, a entidade local levou a cabo traballos de mellora no parque infantil e na fonte, e recuperou o templete da música. En xaneiro tamén está previsto rematar a poda integral da Devesa existente nesta localidade.

Asemade, o rexedor informa que “xa contratamos o aglomerado para acondicionar os accesos ao cemiterio e á antiga escola municipal”.

“Seguimos traballando para mellorar e proporcionar máis e mellores prestacións aos veciños do noso concello. As actuacións indicadas respostan, precisamente, ao obxectivo que nos marcamos de ir cumprindo ao longo da lexislatura o compromiso de actuar nos distintos núcleos porque, ao final, somos conscientes de que se os nosos cidadáns teñen mellores accesos, mellores zonas de lecer ou mellores servizos, tamén melloramos a súa calidade de vida”, conclúe Armesto.

Carlos Armesto / XdL

ÚLTIMAS

O 7 de xullo celébrase a I Festa Interxeracional Concello de Chantada

A Festa terá lugar o 7 de xullo no pavillón do colexio Eloisa Rivadulla....

Martín Alemparte, anterior xerente do GDR Ribeira Sacra-Courel, toma posesión como director da AGACAL

O acto desenvolveuse no complexo administrativo de San Caetano. Durante a celebración a conselleira...

Luisa Villalta segundo Olga Novo, este 31 de maio en Quiroga

A relatora será a profesora, escritora e tradutora da Pobra do Brollón, Olga Novo;...

Formación en cestaría para a Asociación As Cavarcas do Incio

Dende As Cavarcas destacan a importancia de que a institución provincial, a través da...