O Consorcio de Turismo Ribeira Sacra mellora a navegabilidade e accesibilidade do portal de información turística: https://turismo.ribeirasacra.org/
No relativo á accesibilidade, destaca a incorporación de 176 novas audioguías en tres idiomas: galego, castelán e inglés. Súmanse estas novas incorporacións ás 64 audioguías xa existentes nas tres linguas . Con esta incorporación mellórase a propia accesibilidade da páxina web, e coas narracións de voz achégase información ao visitante dun xeito cercano e ameno.
En canto á navegabilidade da web, algunhas das accións que se levaron a cabo foron a actualización e reorganización de contidos, a icorporación de máis de 300 fotogafías de recursos, así como a creación de novas seccións no portal para albergar novos recursos turísticos. Sobre estes novos apartados, salientan, entre outros, a creación dun específico para o patrimonio inmaterial, que recolle as lendas e seres mitolóxicos de Ribeira Sacra, ou a sección específica para a posta en valor de auténticas reliquias da natureza como son as árbores senlleiras.
Estas accións súmanse aos traballos de actualización de información e incorporación de novas empresas e recursos turísticos que vimos realizando ao longo de todo o ano. Sinalan desde o Consorcio que “buscan unha mellora continua na experiencia do visitante e tanto estes cambios como a incorporación de novas ferramentas permítennos achegarnos ao visitante dun xeito máis doado, dende o momento que accede á información por primeira vez na rede ata a hora da planificación da súa estadía no noso xeodestino.”
