Este ano decorar as fachadas das vivendas e os escaparates pode ter premio. O Concello de Quiroga retoma o concurso de decoración de Nadal co que premiará o deseño, a orixinalidade e a estética coa que se decoren aquelas partes das vivendas ou establecementos que poidan verse dende a rúa.
Con este concurso o Concello de Quiroga pretende animar a que particulares e establecementos contribúan a dar máis vistosidade á época de Nadal, á vez que se axuda ao comercio local incentivando as compras.
O concurso ten dúas categorías, unha para os establecementos da vila e a outra para as vivendas. En cada unha delas elixiranse tres gañadores que recibirán 100 €, 75 € e 50€ en vales para gastar no comercio local. Será o día 5 de xaneiro cando se coñeza a decisión do xurado.