A alcaldesa de Folgoso do Courel, Lola Castro, confirmou que a situación “se foi normalizando” nas últimas horas no seu municipio, despois dunha fin de semana “complicada”, na que a nevada deixou a uns trescentos veciños de diversos núcleos de poboación sen subministración eléctrica e numerosos accesos bloqueados por mor da neve e da caída de árbores.
En declaracións a Efe, Lola Castro precisou que algúns veciños do municipio chegaron a estar máis dun día sen subministración eléctrica. De feito, precisou que “na parta baixa do municipio” a subministración quedou restablecida este domingo, a partir das 13:00 horas, aínda que logo aínda houbo “varios cortes”, ata que o persoal da compañía eléctrica logrou “estabilizalo”.