O ministerio asume os honorarios por redacción de proxecto e dirección facultativa das obras. Estas actuacións inclúense nun conxunto de obras que teñen como obxectivo principal a mellora do Camiño de Santiago ao seu paso por dez municipios das provincias da Coruña e Lugo. O departamento que dirixe José Luis Ábalos sinalou que este é o cuarto proxecto que se adxudica.
Os labores iniciaranse este mes de decembro, e prevese un prazo de execución de dez meses. Con estes traballos recuperarase o núcleo da Pena, polo que discorre o Camiño Francés pertencente ao municipio de Paradela.
A intervención céntrase na traza do Camiño de Santiago e na zona interior, na que se dotará á poboación dos servizos de abastecemento, saneamento, rede de pluviais, así como o soterrado dos tendidos aéreos de baixa tensión e iluminación.
