A iniciativa desenvolveuse no pasado mes de novembro, entre os días 9 e 30 de novembro. Participaron os clientes do CCU de Sarria que mercaron nestas datas e rexistraron a súa compra. Sorteáronse un total de 16.200 euros repartidos en tarxetas prepago de 300 € e 150 € en toda Galicia, que volverán a ser gastados no comercio de proximidade.
Dende ACES aseguran, que tendo en conta a situación provocada pola crise sanitaria, están moi satisfeitos cos resultados obtidos nesta campaña, “reflexo (como sempre) da gran implicación e participación dos comerciantes e clientes sarrianos.”
– Ángel Barja Seijas premiado por unha compra en Senayo con 300 €,
– Natalia Suazo Rodríguez premiada por unha compra en Ultreia con 150 €,
O CCU Sarria continúa con dúas campañas activas este nadal, “O lotón” que repartirá mil euros á persoa agraciada para gastar nos establecementos asociados, e a campaña “Este Nadal, o comercio de Lugo máis preto de ti” (iniciativa da Federación Galega de Comercio de Lugo en colaboración coa Deputación de Lugo, e na que se repartirán 10.000 € repartidos en tarxetas prepago de 300 € e 200 €).
