O obxectivo deste reparto de material é facilitar as medidas de prevención e contención do coronavirus para os alumnos e as alumnas que reiniciarán o curso escolar estes días.
Calcúlase que as máscaras a repartir alcanzará as 70.200 unidades, destinadas a estudantes censados en Monforte e escolarizados en Primaria Ensinanza Secundaria Obrigatoria (ESO), Bacherelato (BAC) e Ciclos Formativos de Formación Profesional. En concreto, o concello destina 50 unidades por persoa, que “é a maior cantidade repartida por persoa, por unha administración pública, tanto local coma autonómica”, destacou o rexedor monfortino.
O reparto realizarase en tres franxas de idade: nenos e nenas de 6 a 12 anos, entre os que se repartirán 39.550 mascarillas infantís, xóvenes de entre 12 e 16 anos, para as que se destinan 27.650 mascarillas de adultos, e xóvenes de 17 a 18 anos, para os que se disporán outras 3.000 mascarillas para adultos. Poderán ser recollidas entre o 11 e o 15 de xaneiro no Edificio Multiusos en horario de 9:00 a 14:30 h.
REQUISITOS PARA A RECOLLIDA DAS MÁSCARAS
Poderán encargarse de recoller o material os pais dos menores ou unha terceira persoa sempre que acredite ter a correspondente autorización.
Os empregados municipais encargados do reparto solicitarán o DNI da persoa que recolla as máscaras, a autorización -no seu caso- e o libro de familia, a fin de comprobar que os nenos ou xóvenes para os que se solicitan ditas máscaras estean censados no Concello de Monforte.
O Alcalde, José Tomé, quixo destacar que “estas 70.200 mascarillas engádense ás 22.000 repartidas polo Concello a principios do mes de setembro, coincidindo co inicio do curso escolar, polo que dende o Equipo de Goberno destinaronse aos alumnos monfortinos máis de 92.000 mascarillas”.
