A información pública o plan básico municipal do Páramo

A Consellería de Medio Ambiente, Territorio e Vivenda somete a información pública o Plan Básico Municipal (PBM) do Concello do Páramo, que foi aprobado inicialmente o pasado 10 de decembro.

Feira O Páramo / concello do Páramo

Trátase do primeiro instrumento deste tipo, recollido na Lei do Solo, que se tramita na Comunidade galega. O prazo para que as persoas ou entidades interesadas no documento poidan coñecelo e presentar as súas posibles achegas e alegacións abriuse este luns e prolongarase por un período de dous meses, segundo consta no anuncio publicado no Diario Oficial de Galicia (DOG).

Durante o citado prazo, poderá examinarse o documento en horario de oficina, con cita previa, e presentar alegacións nas dependencias do Servizo Provincial de Urbanismo da Xefatura Territorial de Lugo ou no propio Concello do Páramo. Así mesmo, tamén poderá consultarse o documento na web da Consellería e achegarse por vía telemática as referidas achegas a través do correo sxurb@xunta.gal.

DEIXAR UN COMENTARIO

Please enter your comment!
Please enter your name here