HomeCulturaSober celebra os días 11 e 12 de agosto a XXIII Feira...

Sober celebra os días 11 e 12 de agosto a XXIII Feira da Rosca

Aproveitando esta celebración o Concello de Sober e Vinosacra.es organizan o Segundo Túnel do Viño Amandi

Publicado o

- Advertisement -

As actividades da Feira da Rosca, o mel e otros produtos da Ribeira Sacra comezarán o sábado día 11 ás 19.30 h. cun showcooking a cargo do chef Carlos Javier González, a cita será no salón de actos do centro sociocultural baixo o nome “A rosca de Sober no restaurante”. Ás 21:00 h. farase a apertura dos 16 postos participantes (rosqueiros, oleiros, produtores de mel, artesáns, queixeiros e produtores artesanais de castañas e derivados). Ás 22:00 actuará o grupo ‘Vai en concerto’ e ás 23:00 h. terá lugar unha degustación de balde de rosca con licor café e mel.

Xa o domingo os postos da feira abrirán ás 10.15 h. Nesa xornada contarase con demostración de cestería en vivo, espectáculo de teatro de rúa, actuación do grupo de música tradicional ‘Os Valuros’ e ás 13:00 h. será a quenda da degustación de balde de 2.000 racións de rosca con queixo.

II Túnel do Viño Amandi

Aproveitando a XXIII Feira da Rosca celebrase o II Túnel do Viño Amandi, un evento no que degustar os viños da subzona de Amandi. O Túnel do Viño inaugurarase o sábado día 11 ás 11.30 h., contando coa participación de máis de 30 adegas con máis de 50 referencias. Unha oportunidade única de coñecer os viños de Amandi e Sober da man de sumilleres profesionais.

A carpa do Túnel do Viño estará aberta o sábado en horario de 11:30 a 14:30 h. e de 17:00 a 19:30 h. e o domingo de 11:30 a 14:30 h.

O alcalde de Sober, Luis Fernández Guitián, convida a tod@s a participar destas citas que recollen  o mellor da gastronomía e do viño do concello.

ÚLTIMAS

Monforte celebra o 27 de xuño a Gala do Deporte 2024

Unha vez finalizado o prazo de inscrición o pasado 29 de marzo, foron 34,...

Feira de Artesanía e Produtos Lucenses, o 22 de xuño na rúa Cardenal de Monforte

A actividade enmárcase dentro da programación de E para vivir Lugo. Na rúa Cardenal...

Alumnado de primaria do CEIP Xoán de Requeixo amosa en debuxos a súa visión do Folión de Carros

Rapazas e rapaces deste centro de ensino elaboraron carteis nos que tiñan que recoller...

Conta atrás para o San Xoán de Sarria

Paseniño, paseniño, vanse achegando as Festas Patronais de San Xoán de Sarria, unha celebración...