A nova web www.vilachadesalvadur.gal informa e divulga os recursos que ofrece a zona como son as adegas medievais, o castro do Castrelado, o roteiro circular ou o miradoiro sobre o canón do Sil.

A web presenta un formato intuitivo e interactivo que permite coñecer toda a historia de Vilachá de Salvadur. Os apartados ofrecen información sobre a orixe das adegas ou sobre a excavación dos Conventos no Val do Frade. Ademais, algúns adegueiros ofrecen o contacto para visitar as adegas, explicar o proceso do viño ou a realización de catas non profesionais.

Outro apartado que a asociación quere destacar é o Camiño de Inverno a Santiago de Compostela. Nos últimos meses conseguiron o apoio dos tres concellos afectados e recabaron nova información (toda ela incluída na web) que reforza a xa de por si sólida tese xacobea.

O propósito da asociación é que este portal web sirva de carta de presentación de Vilachá. Unha información que se renovará con todas as novas de actualidade que afecten a este recuncho da Ribeira Sacra.