Homesociedade3 millóns de euros a 166 viticultores para reconversión varietal das viñas

3 millóns de euros a 166 viticultores para reconversión varietal das viñas

O Diario Oficial de Galicia vén de publicar a relación das persoas beneficiarias das axudas que convoca a Consellería do Medio Rural aos plans de reestruturación e reconversión da viña en Galicia. En total son 166 viticultores, 16 deles da Ribeira Sacra, os que recibirán preto de tres millóns de euros para desenvolver accións que permitan reordenar e mellorar a produción vinícola galega.

Publicado o

POR
Redacción
- Advertisement -

A superficie de viñedo na que se vai actuar grazas a estas subvencións é de case 290 hectáreas. Por provincias, a maior parte corresponde a Pontevedra, con 123,5 hectáreas e 62 persoas beneficiarias. Séguelle Ourense con 92 hectáreas e 78 persoas beneficiarias. Na Coruña reestruturaranse 51,7 hectáreas de 12 persoas e en Lugo 21,9 hectáreas e 14 beneficiarios. Por zonas vitícolas, o maior número de persoas beneficiarias corresponde á Denominación de Orixe Rías Baixas (73), logo a de Valdeorras (29), seguida do Ribeiro (25), Ribeira Sacra (16) e Monterrei (22). Así mesmo a Indicación Xeográfica Protexida (IXP) Ribeiras do Morrazo cunha persoa beneficiaria.

Os principais obxectivos destas axudas son levar a cabo reaxustes estruturais que fagan diminuír os sobrecustos de produción das explotacións vitícolas de Galicia, onde predomina o minifundio. Ademais, conséguese a mellora das técnicas de xestión das viñas e reconversións varietais para optimizar a súa orientación ao mercado, adaptando as producións á demanda, á vez que se preservan as variedades viníferas autóctonas da nosa comunidade. Deste xeito, aprovéitase a elevada calidade diferenciada da uva como vantaxe competitiva nun mercado cada vez máis globalizado

Estas achegas aumentan o grao de profesionalización do sector vitícola galego, á vez que se potencia a remuda xeracional e un desenvolvemento rural socialmente viable, facilitando o acceso ás explotacións das persoas viticultoras mozas e capacitadas, en particular das mulleres viticultoras.

O enlace á resolución no DOG.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....