No concello de Quiroga citouse a 469 persoas para facer voluntariamente esta proba de detección de casos asintomáticos. Houbo unha participación do 68,2 % presentándose 320 persoas, das que só unha deu resultado positivo, o que supón un 0,31% de positividade. Xa o 1 de febreiro, cando comezaban as probas, os casos activos neste concello estaban diminuíndo despois da alta incidencia dos días anteriores.

No concello de Sarria as persoas citadas foron 1.484 e acudiron 1.117, chegando a unha participación do 75,26% e os resultados foron de ninún positivo.

Das PCRS realizadas na área sanitaria de Lugo nas últimas 24 horas confirmáronse 50 novos positivos, fronte ao máis dun cento de onte. Rexístranse na provincia un total de 1.767 casos activos de coronavirus; isto é, 96 menos ca os contabilizados onte. O Hospital Comarcal de Monforte mantén 19 persoas hospitalizadas con diagnóstico de Covid.