Segundo comunicaron fontes de Renfe, Adif iniciou os traballos de reparación da infraestrutura, aínda que de momento “non se sabe para cando se restablecerá” a circulación na vía.

Fontes de Adif confirmaron a Europa Press que de momento non hai unha previsión para o restablecemento da circulación. Ante estas circunstancias, Renfe habilitou un plan alternativo de transporte, polo que os trens de media distancia entre Vigo e Ponferrada serán trasbordados por estrada en parte do seu percorrido.

Así mesmo, os servizos Alvia entre Galicia e Barcelona, que en días alternos circula ata Vigo ou A Coruña, serán trasbordados por estrada e desviados por Santiago de Compostela. Finalmente, os Alvia entre Pontevedra e Madrid serán desviados vía Santiago.