HomesociedadeConstituída a Xestora da Agrupación de Voluntarios de Protección Civil de Monforte

Constituída a Xestora da Agrupación de Voluntarios de Protección Civil de Monforte

Todas aquelas persoas interesadas en formar parte desta Agrupación de Voluntarios poden solicitalo cubrindo a correspondente instancia e presentándoa no Rexistro xeral do Concello de Monforte ou a través da Sede Electrónica municipal, durante un prazo de tres meses.

Publicado o

POR
Redacción
- Advertisement -

Este mércores, día 10, quedou constituída a Xestora da Agrupación de Voluntarios de Protección Civil do Concello de Monforte, para dar así cumprimento ó acordado no Pleno da Corporación Municipal do 27 de xullo de 2020, no que se aprobou o novo regulamento da Agrupación municipal de Protección Civil. Iníciase así o funcionamento da nova Agrupación de Voluntarios  de Protección Civil, adaptada á nova normativa.

Na xuntanza estiveron presentes o Alcalde de Monforte, José Tomé Roca, a 1ª Tenente de Alcalde e responsable de persoal, Gloria Prada Rodríguez, o Secretario do Concello, José Antonio Mourelle Cillero, así como as persoas designadas para traballar na Xestora:

  • Presidente: Tomás Losada González
  • Secretario: Manuel Fernández Álvarez
  • Tesoureiro: Dositeo Piñeiro Rodríguez
  • Vogais: 
    • Pablo García Freire
    • Carlos García Expósito
    • Antonio Iglesias Rodríguez

A Xestora traballará para organizar o funcionamento da futura Agrupación, e unha vez concluída esta fase, procederá a celebrarse unha asemblea para a elección da nova directiva da Agrupación de Voluntarios de Protección Civil monfortina, unha vez superado o período de solicitude de pertenza a dita Agrupación.

Tal e como recolle o seu Regulamento, o cometido da futura Agrupación de Voluntarios de Protección Civil de Monforte é, en coordinación co Concello, “garantir a coordinación preventiva e operativa respecto da protección das persoas e bens ante os danos que sexan producidos por situacións de emerxencia nos casos de grave risco, catástrofe ou calamidade pública, sen esquecer todo tipo de emerxencias menores, mediante actuacións que permitan evitar as mesmas, reducir os seus efectos, reparar os danos e, no seu caso, contribuír a corrixir as causas produtoras das mesmas”.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...