O alumnado deste centro visita esta parcela dúas veces ao ano, unha para a poda e outra para a vendima. Do mantemento da finca encárgase o Concello de Sober.
Este martes, 23 de febreiro, 15 alumnos e 3 docentes estiveron facendo traballos de poda ao longo de toda a mañá. Trátase do alumnado que está estudando os Ciclos de Formación Profesional de grao Medio de Aceites e Viños, e o de Grao Superior de Vitivinicultura. Está previsto que no mes de setembro volvan de novo aos Chancís para recoller a uva.
Segundo relataron os propios alumnos a experiencia, a primeira para eles por ser dos primeiros cursos relacionados con viticultura, foi moi satisfactoria xa que puideron contemplar diferentes sistemas de produción, e as particularidades de propia zona como é a Ribeira Sacra, tan diferente ao lugar no que eles reciben formación.
