Entre o xoves 4 e o sábado 6 de marzo, preto dunha trintena de establecementos de ACES participarán nunha campaña de grandes descontos organizada e promovida polo Centro Comercial Urbano de Sarria- ACES, en colaboración co Concello de Sarria.

O lugar escollido para celebrar esta actividade serán os propios comercios participantes, ao igual que nas anteriores edicións, en horario comercial habitual de mañá e tarde. Nas zonas “Outlet” dos comercio contarase con prezos “super-recortados” do excedente da tempada de rebaixas de invierno ou stock existente de tempadas anteriores.  

Un distintivo visible nos escaparates, identificará os comercios participantes neste outlet que ten como lema “Recortamos os prezos”. 

Esta iniciativa ten como obxectivo principal impulsar e facer promoción do comercio de proximidade nun momento moi complexo para as vendas; con precaución e seguindo todos os protocolos de seguridade fronte a Covid-19. Os establecementos participantes pertencen na súa maioría ao sector da moda e calzado.