HomesociedadeMoción de Por Chantada para "coidar a quen coida"

Moción de Por Chantada para “coidar a quen coida”

Por Chantada presenta ao vindeiro Pleno unha moción demandando emprego e servizos dignos no eido da atención á Dependencia.

Publicado o

POR
Redacción
- Advertisement -

Este 8 de marzo pon máis unha vez o foco nos coidados e a pandemía subliñou a importancia de servizos públicos e de calidade na atención aos maiores. Segundo Por Chantada, “os tempos impoñen a necesidade de tomar conciencia da importancia de Coidar a quen coida.” 

A moción que presenta Por Chantada busca mellorar a atención e os coidados dos maiores, e tamén as condicións laborais de quen os coida e, ao cabo, termos uns servizos públicos de maior calidade. “Coidar o público, coidar @s nos@s.”

Por Chantada pide trasladar á Xunta a petición de que unha das vivendas partilladas para maiores no rural, usando unha aldea abandonada, con fondos Next Generation, se realice na comarca de Chantada, con xestión pública ou por parte de cooperativas sociais ou PEMES da zona.

Trasladarlle tamén a petición de crear máis prazas públicas de Centro de Día na comarca de Chantada, a creación dunha residencia de media estancia de referencia para a Ribeira Sacra, poñer fin á incerteza laboral do cadro de persoal temporal da Galiza azul e do Centro de Día de Chantada.

Na moción de Por Chantada tamén se demanda trasladar á Xunta e á FEGAMP a necesidade do financiamento municipal das escolas infantís e dos centros de día por parte dos Concellos para minguar o elevado impacto sobre as facendas locais; actualizar o módulo do SAF que a Xunta paga aos concellos ata cobrir o 100% do custo real do servizo en prezos e mercado. 

Impulsar desde o Servizos Sociais municipais un Banco de Tempo e redes de solidariedade, especialmente para persoas maiores, dentro dun Programa Municipal de Coidados, que contemple actuacións para reforzar os lazos veciñais e para previr a soidade é outras das demandas, xunto coa apertura desde o Concello dun expediente que aclare as irregularidades e a situación denunciada polas traballadoras do SAF para garantir que se cumpran os termos dos pregos de cláusulas aprobados.

ÚLTIMAS

600 alumnos de oito centros  da Ribeira Sacra participan en Monforte no Correlingua

O Parque dos Condes reuniu aos mozos e mozas de colexios e institutos baixo...

Recollida de plásticos agrícolas nas parroquias de Monforte este 27 de maio

A recollida de plásticos agrícolas levarase a cabo dende primeira hora da mañá e...

Chantada promociónase en Festur 2024 do 30 de maio ao 2 de xuño

O Concello de Chantada participa un ano máis en Festur 2024, X Feira de...

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...