A exposición reúne un elevado número de  botellas, carteis e outros materiais que forman parte das distintas edicións da Feira ao longo dos seus corenta anos de historia. A través dela coñécese e recoñécese aos  colleiteiros e persoas que  contribuíron a que Feira do Viño de Quiroga sexa un referente entre os certames vitivinícolas de Galicia, “o mellor escaparate de promoción do concello e unha data sinalada na axenda dos quirogueses e visitantes para a xuntanza e a festa con amigos e familiares,” sinalan desde o concello.

A exposición está instalada na entrada do Auditorio Municipal e poderá visitarse ao longo de toda a Semana Santa. No recinto da exposición,  o vindeiro venres, día 2, ás 12:30 h terá lugar un acto co que o Concello de Quiroga quere lembrar a colleiteiros que xa non están, mediante a entrega de agasallos aos seus familiares.