IniciosociedadeA Torre da Homenaxe en amarelo polo Día da Endometriose

A Torre da Homenaxe en amarelo polo Día da Endometriose

O Concello de Monforte súmase este sábado, día 27 de marzo, ós actos conmemorativos do Día da Endometriose, unha enfermidade que afecta a moitas mulleres no mundo.

Publicado o

POR
Redacción
- Advertisement -

Como xesto simbólico e en sinal de apoio ás mulleres afectadas por esta enfermidade, o Concello iluminará a Torre da Homenaxe de San Vicente de cor amarelo.

A endometriose é unha enfermidade xinecolóxica crónica que afecta ás mulleres, na que se produce unha situación anómala: a implantación e o crecemento benigno de tecido do endometrio fora do útero, dando lugar a unha reacción inflamatoria. As zonas que poden verse afectadas por esta patoloxía con máis frecuencia son estruturas reprodutivas, xeralmente os ovarios, pero tamén pode atoparse nas trompas de Falopio, na vaxina e ata no peritoneo ou o tracto gastrointestinal e urinario.

A endometriose é unha das doenzas máis enigmáticas e controvertidas da xinecoloxía, por iso, non existe un tratamento idóneo para a mesma. As lesións que produce a endometriose teñen un pronóstico incerto, xa que poden permanecer estables, progresar, e incluso retroceder. 

A pesar de que socialmente a endometriose continúa sendo unha gran descoñecida, estímase que afecta a ó redor do 10% das mulleres en idade fértil en Galicia -unhas 60.000, das cales 9.000 atópanse nun estadío severo desta doenza-,  1,5 millóns de mulleres en España e ó redor de 176 millóns en todo o mundo. Os expertos sinalan que é fundamental concienciar a mulleres e a sanitarios para estar atentos a calquera síntoma anómalo e así evitar que se atrase o diagnóstico, atraso que pode levar a un empeoramento da saúde e de vida da paciente.

ÚLTIMAS

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...

Fotografías gañadoras do Certame ‘Fotoxénica Mente VII’ da Asoc. Albores

Xa se coñecer os gañadores e a gañadora do Certame de Fotografía "Fotoxénica Mente"...

Estudantes de Monforte e Vigo álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...