HomesociedadeChantada tentará buscar unha residencia para a nai e filla atopadas desnutridas

Chantada tentará buscar unha residencia para a nai e filla atopadas desnutridas

"É unha pena porque non teñen necesidade, porque o marido, xa falecido, traballou en Larsa e tiña unha boa xubilación. Teñen unha casa con dúas plantas, case no centro de Chantada", comenta o rexedor.

Publicado o

- Advertisement -

O alcalde de Chantada, Manuel Varela, explicou este luns que por parte do Concello búscase unha residencia, “se pode ser a de Chantada moito mellor”, para as dúas mulleres, nai e filla, que foron atopadas en estado de desnutrición nunha vivenda deste municipio na que levaban varios días encerradas.

Seguen estando hospitalizadas e estamos a tentar conseguir dous sitios nunha residencia e, se pode ser a de Chantada moito mellor, para que sigan estando xuntos”, comentou o alcalde. “Tivemos moitísima sorte e sospeitabamos que puidese ocorrer unha desgraza, como que puidese estar morta a maior”, admitiu Manuel Varela.

Afortunadamente topáronse coas mulleres “con vida”, sinalou, coa máis nova, a de 48 anos “moi afectada sicolóxicamente, e a muller maior (de 89 anos) con bastante desnutrición“.

Ademais, relatou que se verificou ao entrar na casa que “a alimentación era desastrosa”. “É unha pena porque non teñen necesidade, porque o marido, xa falecido, traballou en Larsa e tiña unha boa xubilación. Teñen unha casa con dúas plantas, case no centro de Chantada”, abundou o alcalde.

Varela detallou que estas dúas persoas presentaban “pouca atención, con problemas sicolóxicos, sobre todo a nova”. “A ver se lles atopamos un sitio en condicións”, resaltou o rexedor de Chantada, que alude, unha vez que se entrou no domicilio de ambas as mulleres, a un posible problema derivado da chamada “síndrome de Dióxenes”.

Facía quince días que non se viu ás dúas mulleres e unha veciña deu a voz de alarma, aviso que foi atendido no Concello, que inmediatamente se puxo en contacto co xulgado que autorizou a entrada da Policía Local neste piso no centro de Chantada.

ÚLTIMAS

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...