Dentro do ciclo de “charlas informativas” que se imparten no IES Río Cabe, como parte do programa de orientación universitaria, César compartiu co alumnado de 1º de BAC a súa experiencia no eido da ‘ciencia política’.

Primeiro faloulles dos coñecementos adquiridos como alumno da carreira  de Políticas: faloulles das materias que cursou, o seu ano de Erasmus na República Checa, as prácticas no Parlamento Galego, etc; e a continuación trasladoulles a experiencia adquirida como asesor no Parlamento Europeo, en  Bruxelas, un paso máis na súa aprendizaxe e no desempeño dun traballo de gran responsabilidade.

Ao final, os/as alumnos/as  puideron preguntar sobre distintas cuestións e aclarar as súas dúbidas.