A xerencia de atención primaria de Lugo conta cun amplo número de profesionais de enfermaría que voluntariamente amosaron a súa disposicion para participar na campaña de vacinación da COVID fóra da súa quenda de traballo. CCOO asegura que a día de hoxe a gran maioría non foron chamados para participar.

Nesta situación instouse á dirección para que organizara a vacinación masiva reducindo o tempo de espera dos pacientes a ser inmunizados e a utilización do persoal das listas de enfermaría para poder realizar a cobertura das vacacións do persoal.

Nesta ocasión ínstanse a esta xerencia a que se poña a traballar para organizar adecuadamente ao persoal “para non discriminalos denegándolles un dereito como é o disfrute das vacacións, e que non se limita a cumplir as órdenes de RRHH de Lugo sen buscar outras opcións,” engaden. Con anterioridade a CIG saúde advertira sobre a situación das vacacións deste persoal.