Colaboraron no desenvolvemento do acto os alumnos de 1º de Bacharelato, como é tradicional, exercendo de presentadores Martín Álvarez e Isabel Toirán. Exerceu de madriña da promoción a exalumna, Selene Arias, graduada en Educación Social, Máster de Investigación en Educación Diversidade Cultural e Desenvolvemento Comunitario e directora do centro de día VIDA.
Despois da proxección dun vídeo que recolleu os momentos máis significativos do paso dos alumnos graduados polo instituto durante estes dous anos, interviñeron, polo profesorado, Diego Xesús López González, profesor de Xeografía e Historia, e polo alumnado Clara Varela e Sara Rodríguez, de Humanidades, e Alba Varela e Andrés Martínez, de Ciencias.
A parte musical estivo a cargo do profesor de música Vicente Castro (piano) e das alumnas, Nuria Martínez Pulido, Area Gómez de la Fuente, Julia Pérez Pérez e Noa Díaz Quintián (violín). Rematou o acto o director do IES A Pinguela, Enrique Sampil, e posteriormente realizáronse as fotos de grupo.
Desde o centro lamentan que as limitacións de aforo do local, por causa da pandemia, non permitisen máis que a asistencia de alumnos e profesores e felicitan ós 64 alumnos graduados, “a maior promoción da historia do noso instituto, e desexámoslle o mellor futuro que poidan imaxinar.”