IniciosociedadeTorneo de 'picadiscos' na Pobra do Brollón

Torneo de ‘picadiscos’ na Pobra do Brollón

Este domingo, 30 de maio, celébrase a primeira semifinal da iniciativa ‘Pratos e Discos’, inaugurando o plan municipal de dinamización da hostalería que se estenderá ao longo do verán.

Publicado o

POR
Redacción
- Advertisement -

Esta curiosa actividade de lecer, coñecida como “Pratos e Discos” e na que picadiscos locais que se enfrontan entre si, naceu o verán pasado e tivo unha gran acollida. Para darlle continuidade, xa que a competición non puido pasar das semifinais por mor da pandemia, este domingo ás 13:00 h. a Cantina de Julia –na parroquia de Salcedo– será o escenario que lle dea continuidade.

A decisión de quen pasa de rolda tena o público asistente mediante o seu voto, emitido no mesmo lugar tras o evento. Nesta ocasión, os e as asistentes deberán elixir entre Mark Elo e Marccos. Deste enfrontamento sairá o primeiro finalista da edición.

Como comentamos, a rolda de semifinais quedou pendente do ano pasado polo que estas primeiras sesións son para darlle remate á edición 2020. A previsión é celebrar as dúas semifinais e a final desta edición na primavera, e comezar a edición 2021 no verán.

“Trátase dunha iniciativa que incentiva o consumo nas terrazas, non só durante o evento senón tamén a posteriori,” comenta Xosé Lois Maceda. “Ao mesmo tempo, o feito de ser veciños os que poñen a música reforza os lazos comunitarios“, engade o Alcalde da Pobra do Brollón.

ÚLTIMAS

Pablo Álvarez, con raíces en Sober, está na Antártida co Exército de Terra

Pablo Álvarez, que actualmente reside en Zaragoza por motivos laborais, estivo toda a súa...

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...