Baixo o título “Auga, Terra, Lume e Ar: A Ribeira Sacra” está dirixido tanto a persoas maiores como a mozos e mozas que estean interesados en adquirir e compartir coñecementos relacionados coa Ribeira Sacra desde diferentes puntos de vista, tal e como se recolle no programa do mesmo. O curso está dirixido por Mª Esther Olveira Olveira e Carolina Casal Chico.

O prazo para inscribirse no mesmo remata o venres 4 de xuño, e pode formalizarse a través do correo cursosdeveran@usc.es, na web www.usc.gal/cultura/veran, ou nas áreas de Cultura do Campus de Lugo e Santiago. O curso conta con 25 horas lectivas e ten un límite de 50 prazas.

O importe da matrícula xeral é de 120 euros para os cursos que superen as 25 horas e de 70 euros para os que non superen esa duración. Así mesmo, contémplase un pezo reducido para estudantes universitarios, de bacharelato ou de formación profesional, pensionistas, desempregados, socios da Asociación de Antigos alumnos da USC, así como PDI e PAS da USC. Neste suposto o custe será de 70 euros se dura 25 ou máis horas e de 40 euros se non supera ese tempo.

Cada matriculado recibirá un diploma de asistencia e 2 créditos ECTS por cada curso que supere as 25 horas e 1 crédito ECTS se non supera esa duración. O máximo de créditos que se poden obter é de 6.

OBXECTIVOS DA FORMACIÓN

Os obxectivos deste curso son achegar á cidadanía o espazo xeográfico e social da Ribeira Sacra e a súa contorna, divulgar e pór en valor o patrimonio cultural, material e inmaterial, deste microcosmos e implementar os valores de sustentabilidade da Axenda 2030 na conservación e posta en valor desta Paisaxe Cultural, vital de cara ós efectos da candidatura a Patrimonio da Humanidade.

PROGRAMA

O programa que se desenvolverá entre os días 15 e 18 de xuño pódese descargar aquí.