IniciosociedadeQuiroga tirará unha edificación en ruínas para ampliar unha zona de lecer...

Quiroga tirará unha edificación en ruínas para ampliar unha zona de lecer na vila

Despois do expediente de ruína técnica aberto, agora un auto xudicial autoriza ao Concello de Quiroga a levar a cabo a execución subsidiaria da orde de demolición dunha edificación situada na rúa Real, moi preto da casa consistorial.

Publicado o

POR
Redacción
- Advertisement -

Ante o perigo inminente de derrube o Xulgado Contencioso Administrativo de Lugo concédelle ao  Concello de Quiroga  un prazo de tres meses para executar esta sentenza. O Concello de Quiroga levaba máis de dous anos tentando poñerse en contacto cos propietarios para que tomasen cartas no asunto ou deixasen actuar ao concello. Así o confirmou o alcalde de Quiroga, Julio Álvarez, quen asegurou que foi preciso aplicar a normativa subsidiaria ante a negativa dos propietarios a facerse cargo. Ante esta imposibilidade, e tras cumprir con todos os trámites administrativos, incluída a publicación en boletíns oficiais, finalmente foi o xulgado o que autorizou que o concello poida entrar nesta propiedade privada.

O Concello encargarase agora de tirar esta edificación ruinosa e acondicionar o terreo no que está situada, un terreo na rúa principal e no centro da vila quiroguesa. Despois de moitos anos, en palabras do alcalde quirogués, “Quiroga saca unhas ruínas que afeaban e entorpecían a vistosidade do centro da vila”.

O Goberno local traballa, nun principio, en que este espazo novo quede unido á área de descanso que acondicionou recentemente no entronque da rúa Real coa rúa Lago, ampliando este espazo de lecer.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...