HomesociedadeXuño de igualdade e conciliación en Bóveda

Xuño de igualdade e conciliación en Bóveda

O Concello de Bóveda dá a coñecer o seu programa de actividades previsto para cando os nenos e nenas rematen o colexio. Así, desenvolverá un programa chamado ‘Xuño en igualdade’ con propostas para os nenos e nenas de entre 4 e 12 anos.

Publicado o

POR
Redacción
- Advertisement -

As actividades levaranse a cabo entre o día 23 e o día 30 de xuño no Centro Sociocultural. As prazas serán cubertas por orde de inscrición ata completar o aforo, que se rexerá polas normas sanitarias en vigor. Nestas actividades terán prioridade as persoas empadroadas no Concello de Bóveda. É preciso inscribirse chamando ao teléfono 982 42 61 77.

Programa

  • Mércores 23, ‘Party da igualdade’. Obradoiro temático en igualdade de xénero con probas e preguntas encamiñadas a rachar cos estereotipos e roles sexistas e previr a violencia de xénero.
  • Xoves 24, ‘O xogo das escritoras’. Trátase dun xigantesco xogo da oca no que ademais de subir e baixar polo taboleiro as persoas participantes buscarán nos libros da Biblioteca Pública Municipal, debuxarán, escribirán e espremerán os miolos para superar as actividades propostas, relacionadas coa literatura escrita por mulleres.
  • Venres 25, ‘Atrapados con Harry Potter’. É unha actividade de escape room que nos sitúa no interior da novela ‘Harry Potter e o cáliz’ de lume na que os xogadores terán que axudar ao protagonista a saír da habitación na que está atrapado.
  • Luns 28, ‘Tris, tras, tres, autocollage’. Taller creativo e lúdico no que grazas ás ferramentas das artes plástica e teatrais traballarán a diversidade de xénero, as violencias invisibles, o caleidoscopio emocional e aprenderán sobre o respecto e a integración da diversidade.
  • Martes 29, ‘Mulleres científicas’. Os nenos e nenas farán experimentos de laboratorio para que as mulleres científicas nunca máis sexan invisibles.
  • Mércores 30, ‘Conto xogo’. A través deste xogo é facilmente recoñecible que non hai xogos de nenos nin de nenas, ao igual que non hai contos de ningún xénero.

A maiores, entre os días 23 e 30 de xuño o Concello de Bóveda organiza un campamento de conciliación con actividades diversas de 09:00 a 14:00 horas no Centro Sociocultural e na súa contorna para nenos e nenas de 4 a 12 anos. Só hai 10 prazas, polo que é preciso inscribirse previamente chamando ao teléfono 982 42 61 77. Terán prioridade aqueles nenos e nenas cuxos pais e nais traballen. 

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...