IniciosociedadeEn marcha a mellora da estrada Fontela-desvío Mourelos no Saviñao

En marcha a mellora da estrada Fontela-desvío Mourelos no Saviñao

A institución provincial acomete con medios propios os traballos, valorados nuns 30.000€, nun treito dun quilómetro da vía, moi utilizada por residentes e visitantes.

Publicado o

POR
Redacción
- Advertisement -

O Presidente da Deputación de Lugo, José Tomé Roca, e outros membros do equipo de goberno da Deputación Provincial mantiveron un encontro o pasado mércores, 2 de xuño, coa veciñanza desta zona na que se comprometían a iniciar de inmediato a renovación dun treito de preto de un quilómetro da estrada, e esta semana comezaron as obras, que están valoradas nuns 30.000€.

Os traballos para a rexeneración integral deste tramo da vía quedarán rematados nos vindeiros días. A institución provincial acomete con medios propios estas obras, que consisten na emulsión dun triplo rego asfáltico e que se están a realizar cos medios do Parque Móbil, dependente da área de Xestión Territorial da Deputación. Estes labores eran moi demandados polos veciños e veciñas do Saviñao e terán unha repercusión importante na mellora da seguridade viaria e na comodidade dos condutores  ao tratarse dunha ruta moi utilizada polos residentes e visitantes.

Esta vía dá servizo á Ribeira do Saviñao, concretamente ás parroquias de Diomondi, Fión e Mourelos, que son o acceso a unha zona de viñedos e forman parte da contorna do Camiño de Inverno.

O Presidente subliñou que a mellora da rede de estradas provinciais “é unha das liñas de actuación prioritarias deste goberno á que dedicamos 16M€ neste ano”. Tamén asegurou que “a mobilidade é un dereito máis da cidadanía, e manter en bo estado as comunicacións por estrada é imprescindible para favorecer a igualdade de oportunidades e o equilibrio territorial, e, polo tanto, para fixar poboación no rural”.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...