IniciosociedadeMónica Fernández, filla predilecta de Quiroga, pregoira da Feira do Viño

Mónica Fernández, filla predilecta de Quiroga, pregoira da Feira do Viño

Mónica Fernández, filla predilecta de Quiroga e a mellor sumiller do mundo, será a pregoeira da XXXIX Feira do Viño de Quiroga.

Publicado o

POR
Redacción
- Advertisement -

Esta quiroguesa, veciña de Orxais, é sumiller  e maestresala titulada pola Cámara de Comercio de Madrid. Directora xeral do grupo Bambú, dende o 2005 é directora de sala e sumiller dos oito restaurantes que ten o grupo (19 Sushi Bar e dos 99 Sushi Bar de Ponzano, Moraleja, Hermosilla, Eurobuilding, Barcelona, Marbella e Bilbao)

Ao longo da súa traxectoria profesional recibiu numerosos galardóns como o premio á Excelencia Turística de Madrid como Mellor Directora de Sala no ano 2009 e o premio Nacional de Gastronomía á Mellor Director de Sala no 2016 concedidos pola Cámara de Comercio de Madrid;  o premio á Mellor Dirección de Sala no 2018 outorgado pola Academia de Gastronomía da Comunidade de Madrid e o importantísimo premio á Mellor Sumiller do Mundo (Prix au Sommelier) concedido no 2017 pola Academia Internacional de Gastronomía en París.

Mónica Fernández é unha destacada sumiller que participa habitualmente en acontecementos relacionados co mundo do viño, ademais de formar parte do comité de cata da coñecida Guía de Vinos Gourmets. Dende o ano 2017 Mónica conta coa distinción de ser a única Filla Predilecta de Quiroga, título que se lle concedeu por levar con orgullo o nome de Quiroga polo mundo, como se afirmou no acto da súa firma no libro de honra do Concello de Quiroga.

O pregón deste ano “será o momento no que un gran profesional do viño nos honre coa súa presenza e coas súas verbas”, como afirmou o alcalde quirogués, Julio Álvarez, quen matizou que será o momento en que dalgunha maneira Quiroga salde a débeda histórica que ten con persoas de certo perfil.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...