A quinta edición do 17º Festival Ribeira Sacra celebrarase do venres 16 ao domingo 18 de xullo e contará cunha achega económica de 18.000 euros por parte da Deputación de Lugo, que tamén porá a disposición o servizo de catamaráns polos canóns do Sil para celebrar concertos.

A responsable de Réxime Interior, Promoción do Territorio e Turismo da institución provincial, Pilar García Porto, e o director do Festival, Carlos Montilla, presentaron este luns no Pazo de San Marcos a quinta edición desta cita musical, cultural e gastronómica que se estenderá por diferentes localizacións do sur da provincia.

García Porto erixiu a este evento en “un referente no panorama musical” e que atrae a “artistas de renome”. “Ademais, dinamiza a vida social e a actividade económica da provincia e, por tanto, no actual contexto de crise provocada pola pandemia, contribúe á recuperación dos sectores máis afectados polas restricións da covid“, incidiu.

OBRAS EN DÚAS ESTRADAS

Por outra banda, a Deputación lucense arrincou os traballos de mellora de dúas estradas provinciais ao seu paso por Sarria. En concreto, son a LU-P-5602, que une este municipio con Samos por Pintín; e a LU-P-5702, de Pedrafita a Vilanova de San Vicente por Sabadelle.

A institución provincial destina 200.000 euros en total para estes traballos que incidirán en dúas vías “fundamentais para as comunicacións dos veciños da comarca”.