IniciosociedadeQuiroga celebra o 10 de agosto a XXX Mostra do Mel

Quiroga celebra o 10 de agosto a XXX Mostra do Mel

O Concello de Quiroga dará a coñecer unha vez máis a calidade do mel que se produce no municipio. Farao o martes, día 10 de agosto, na Mostra do Mel, coincidindo coa feira de mercado.

Publicado o

POR
Redacción
- Advertisement -

Serán 4 os apicultores que presenten nesta edición da mostra o mel desta zona, deixando claro porque este produto comparte en Quiroga un lugar destacado, xunto co viño e o aceite.

As actividades organizadas con motivo desta Mostra comezarán xa o xoves día 5, coa apertura da exposición “Apicultura tradicional galega” que inclúe 42 fotos e un vídeo sobre o control da Vespa Velutina – e unha charla a cargo de María Lorenzo, sobre “Apiturismo no Courel: Ruta das alvarizas de Seceda.” Estas dúas actividades forman parte do proxecto Apiturismo Xacobeo 2021/2022 da Asociación Galega de Apicultura.

Este programa de Apiturismo ten por obxectivo poñer en valor a apicultura milenaria cunha arquitectura única no mundo, da que dan conta construcións e ferramentas que forman parte da paisaxe e do patrimonio etnográfico e cultural das aldeas de Quiroga: as alvarizas, alvares ou cortíns. 

O recinto feiral para a venda de mel e outros produtos apícolas como xelea real, pole ou própole, instalarase o martes día 10 dende primeiras horas da mañá pola rúa Real, nas inmediacións da casa consistorial. A partir das once da mañá a charanga Europa encargarase de amenizar o recinto feiral. 

Os colmeares situados nas zonas máis altas do municipio producen mel co predominio do castiñeiro, mentres que os situados nas zonas do val dan mel de brezo, planta moi abondosa e da que Quiroga recibe o seu nome; nas zonas intermedias as abellas recollen o pole de castiñeiros e queirugas que xuntan con moitas outras flores dando un mel multifloral. Tres variedades con matices diferentes en canto a cor, textura e sabor pero coa mesma calidade. Contarase cunha degustación de meles “Meles Cinco Estrelas de Galicia”, organizada pola Asociación Galega de Apicultura.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...