O sindicato agradece o apoio e confianza de todo o persoal de traballadores e comición negociadora, “cuestión que nos permitiu lograr este importante acordo para mellorar as condicións laborais do conxunto dos traballadores e desconvocar con iso a folga que estaba convocada para iniciarse o nove de agosto ás cero horas.”
O acordo foi ratificado por parte dos traballadores coa seguinte votación:
- Votos a favor do acordo: 34
- Votos en contra : 0
- Abstencións : 0
O sindicato lamenta que o alcalde de Monforte non se dignara durante o proceso a facer unha chamada á lexítima representación dos traballadores, “cuestión que demostra claramente a catadura moral do ex sindicalista, que pola contra si se preocupou, e moito, por enredar e sacar pola vía rápida uns servizos mínimos abusivos.” O acordo alcanzado recolle:
- Subida Salarial (2021 : SUBIDA DO 2,5 % desde xaneiro con carácter retroactivo. ANO 2022 : 70 % do IPC REAL a 31/ 12/ 2022. ANO 2023 : 80% IPC REAL a 31/12/2023. ANO 2024 : 80% IPC REAL a 31/12/2024
- Plus de festivos, Pasan de 85 € a 100 € (Por traballador e festivo dobre)
- Contrato temporais, Pasan a indefinidos a dous traballadores que tiñan contrato temporal.
- Días de libre goce, Pasan os 8 días libres a 8 sábados
- Permisos non retribuidos, Pasar de gozalos en 3 períodos a 4.
- Roupa de calidade e maior visibilidade, A roupa (chalecos, pantalóns e botas) pasa a ser de cores co fin de gañar en seguridade e visibilidade.
- Vixencia do acordo deste convenio, Desde o 1/ 1/2021 ata o 31/ 12/2024
Desde CC.OO consideran que se trata do mellor ACORDO ao que se puido chegar sen meterse nunha folga.
