Iniciosociedade30 anos dando a coñecer a calidade do mel de Quiroga

30 anos dando a coñecer a calidade do mel de Quiroga

Este martes celebrábase a XXX Mostra do Mel de Quiroga. Trinta anos son os que leva o Concello de Quiroga dando a coñecer a calidade do mel que se produce no municipio. E unha vez máis esta data fixada no calendario vén a coincidir coa feira de mercado, unha das máis multitudinarias de todo o ano.

Publicado o

POR
Redacción
- Advertisement -

Foron tres os apicultores que este ano presentaron o mel desta zona, deixando claro porque este produto comparte en Quiroga un lugar destacado, xunto co viño e o aceite. O recinto feiral abriuse a todo o público desde primeiras horas da mañá onde se podían mercar, ademais do mel,  outros produtos apícolas como xelea real, pole ou própole. Foron varios os postos que se instalaron ao longo da rúa Real, nas inmediacións da casa consistorial. 

As colmeas da maioría dos apicultores están  situados nas zonas máis altas do municipio onde  producen mel co predominio do castiñeiro, mentres que os situados nas zonas do val dan mel de brezo, planta moi abondosa e da que Quiroga recibe o seu nome; nas zonas intermedias as abellas recollen o pole de castiñeiros e queirugas que xuntan con moitas outras flores dando un mel multifloral. Tres variedades con matices diferentes en canto a cor, textura e sabor pero coa mesma calidade. Na edición deste ano quixeron destacar a pouca cantidade que non impediu que o mel desta colleita  fose dunha excelente calidade.

Feira do mel 2021 / concello de Quiroga

O alcalde de Quiroga, Julio Álvarez, presumiu nesta trixésima mostra dos tres produtos” biblícos” cos que conta Quiroga, o viño,o aceite e o mel.

A Asociación Galega de Apicultura ademais da exposición de Apiturismo,  que aínda se pode visitar ata este venres 13 de agosto, trouxo a Quiroga outra actividade, trátase dunha degustación de meles “Meles Cinco Estrelas de Galicia” na que puideron participar toda as persoas que quixeron. Neste evento tampouco faltou a música, sería a  charanga Europa a encargada de  amenizar o recinto feiral. 

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...