IniciosociedadeHomenaxe a Matías Moreno en Sarria

Homenaxe a Matías Moreno en Sarria

O polifacético artista sarriao, que perdeu a vida nun accidente de tráfico a finais do pasado 2020, será lembrado os días 19 e 20 cunhas xornadas bautizadas como “Matías Moreno Experience”.

Publicado o

POR
Redacción
- Advertisement -

Matías Moreno foi fotógrafo, músico, poeta, mestre, viaxeiro, ecoloxista, montañista… unha desas persoas que se apaixonan por todo canto nos ofrece a vida e que proxectan esa paixón aos demais. Unha mente inqueda e aventureira, engaiolado tamén pola natureza.

Como músico chegou a editar os seus propios discos, compostos por el, e deu clases a varias xeracións de mozos e mozas de Sarria. Neste eido foi moi activo, organizando tamén encontros e concertos.

Pegoulle ben á fotografía e fixo incursións no eido audiovisual con traballos sobre as súas viaxes, exerceu de divulgador do Courel organizando rutas de sendeirismo coa Asociación Teixo e foi máis alá tamén practicando alpinismo aquí e alén das nosas fronteiras.

E foi nunha desas viaxes, nas que gozaba coas súas afeccións, cando perdeu a vida por mor dun accidente de tráfico. Foi o pasado 17 de decembro do 2020, cando estaba en Canarias cun proxecto de escalada e fotografía.

XORNADAS ‘MATÍAS MORENO EXPERIENCE’

As súas amigas e os seus amigos, como lembranza a todo o que significaba para Sarria e a veciñanza, organizaron unhas xornadas culturais e musicais na súa honra que se celebrarán na Sociedade Recreativa A Unión os días 19 e 20 de agosto.

O día 19 inaugurarase ás sete da tarde, unha exposición fotográfica sobre Matías e a súa obra.

O día 20, a partir das 11:00 h, terán lugar os coloquios sobre a figura de Matías e a primeira sesión musical –sesión vermú– a cargo dos grupos folk Os Variables e Dirindainas.

Pola tarde, a partir das 17:00 h, seguirán os concertos de homenaxe coas bandas “Proyecto Valley”, “Os netos de Matias”, “Malditos Roedores”, “Flying Boogaloos”, “Sound Sisters”, “Os estramonchos”, “Los secos”, “Taninos Maduros Jazz Band”, “Eladio y los Míticos”, “Voltarém”, “Me Da Igual”, “EOAS”.

A maioría dos integrantes destas bandas foron compañeiros de Matias Moreno en distintas formacións e ex-alumnos do artista sarriao, que foi quen lles facilitou o seu primeiro achegamento á guitarra e á cultura da música popular en xeral.

O acceso a estas xornadas será gratuito e limitado ate completar aforo e na organización das xornadas colaboran, ademais da Sociedade Cultural A Unió, a Asociación Teixo e o Concello de Sarria.

ÚLTIMAS

Prohibidas desde este luns as queimas agrícolas e forestais de particulares ata novo aviso

A partir deste luns, 15 de abril, quedarán prohibidas as queimas de restos agrícolas...

2 meses para as obras de mellora da contorna da Pinguela que se veñen de adxudicar

Este proxecto suporá a mellora do entorno que rodea as instalacións deportivas e os...

A Festa da Carne ao Caldeiro de Carballedo reparte 1.500 quilos de carne

A asociación de veciños O Bubaíño de Castro organiza esta cita na que se...

‘Colección Romántica’ chega ao Ateneo Casino de Monforte

Os músicos David Taboada e Sergio Alba presentan en Monforte "Colección Romántica", un espectáculo...