O alcalde de Quiroga, Julio Álvarez, anuncia que se traballa xa no programa de actos do patrón da vila quiroguesa, o San Martiño, onde por tradición ten lugar o magosto e a degustación do viño novo.
Segundo avanzan dende o concello, prepárase un evento esperando contar coa colaboración dunha importante persoa vinculada a un grupo televisivo e estanse poñendo sobre a mesa ideas que xuntarán o viño co Camiño de Inverno. Non en van, como matizou o rexedor local, Quiroga ten o maior número de quilómetros do Camiño de Inverno (36).
NOVO MURAL NO NÚCLEO URBANO
Lembrando a importancia deste camiño dentro do municipio, a vindeira semana comenzará a pintarse un mural de grandes dimensións que terá como protagonista unha peregrina. A obra lucirá na praza da rúa Lago, moi preto da praza Maior, lugar no que por tradición se celebra a festa do San Martiño.
