120.000 euros na mellora da estrada de Meizarán en Triacastela a Fillobal

As obras que conectan este núcleo coas Nogais excútanse ao abeiro do Plan de Infraestruturas Rurais (PIR) da Consellería do Medio Rural.

Tricastela - As Nogais / Delegación Territorial

Renóvase o firme nun tramo de 2,5 quilómetros de lonxitude cun ancho de 4,5 metros. Para iso, limpouse a superficie da calzada, que presentaba moito deterioro polo paso do tempo, para dotala dun novo pavimento a base de aglomerado en quente con rego de adherencia.

Os traballos completarase entre este mércores e mañá e a continuación pintarase a nova sinalización horizontal. Tamén se repararán con pavimento de formigón as embocaduras de camiños adxacentes á vía, o que nalgúns casos implica a realización de obras para instalar tubaxes de saneamento soterradas.

O delegado territorial destaca “a colaboración da Xunta cos concellos para manter en bo estado a rede de camiños municipais, que dan acceso á maioría das vivendas e explotacións e inciden directamente na calidade de vida da cidadanía”.

DEIXAR UN COMENTARIO

Please enter your comment!
Please enter your name here