A Consellería de Sanidade notificou catro mortes con coronavirus en Galicia nas últimas horas. Deste xeito, o total de vítimas desde o inicio da pandemia sitúase en 2.602.
Estas catro persoas presentaban patoloxías previas. Dous deles morreron en residencias: un home 88 anos –nas Gándaras de Lugo– e un home de 81 anos –na DomusVi de Monforte–.
Así mesmo, nas últimas horas produciuse a defunción dun home de 90 anos no Complexo Hospitalario Universitario de Santiago (CHUS) e dunha muller de 72 anos no Complexo Hospitalario Universitario da Coruña (Chuac).
