Iniciosociedade16.000 persoas viaxaron este verán nos catamaráns da Ribeira Sacra

16.000 persoas viaxaron este verán nos catamaráns da Ribeira Sacra

As viaxes en catamarán da Deputación de Lugo son un dos grandes atractivos da Ribeira Sacra para os visitantes deste territorio. No que vai tempada, que arrancou no pasado mes de marzo, máis de 26.000 persoas gozaron xa desta oferta turística, delas, 16.000 durante este verán, o que supón practicamente o 100% das prazas que estiveron dispoñibles.

Publicado o

POR
Redacción
- Advertisement -

Nos meses de xullo e agosto, a alternativa polo Canón do Sil, que parte do embarcadoiro de Ponte do Sil, acolleu a 10.949 viaxeiros. Pola súa banda, a ruta de Belesar acolleu a 5.043 persoas. A día de hoxe xa están reservadas máis do 50% das prazas dispoñibles ata final de ano, polo que a Deputación espera pechar esta tempada con 40.000 pasaxeiros.

A Deputada de Réxime Interior, Promoción do Territorio e Turismo, Pilar García Porto, subliñou que estas cifras de ocupación “tan positivas” consolidan este servizo público da institución provincial “como unha oferta turística atractiva que contribúe a dinamizar a economía e recuperar os sectores do turismo, a hostalería e o comercio fronte ao impacto da pandemia”

Rutas, reservas e horarios

Ata finais de ano, as persoas interesadas en coñecer a Ribeira Sacra a bordo dos catamaráns da Deputación de Lugo poden acceder á web reservas.rutasembalses.es, ou ben contactar no correo electrónico catamaranes.turismo@deputacionlugo.org ou no teléfono 982.260.196 en horario de luns a venres, de 09:00 a 14:30 horas.

Mantéñense os dous percorridos: a ruta fluvial Canón do Sil, que parte do embarcadoiro da Deputación Ponte de Sil, en Monforte de Lemos; e a Ruta Fluvial do Cabo do Mundo, que transita polo Saviñao, Pantón e Chantada. Dende o 12 de setembro e ata a ponte de decembro os catamaráns pasaron a funcionar de mércores a domingo con dúas viaxes por día.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...