O punto de recarga semirrápida para os vehículos eléctricos contará  con dúas prazas de uso simultáneo de 22 kw de potencia por cada toma e colocarase na rúa Real, á altura da marquesiña de autobuses. Este punto permitirá a carga dun vehículo eléctrico en corrente alterna mediante unha conexión de tipo 2 ou MENNEKES, o conector actualmente homologado como standard en Europa.

A súa utilización e o pago das recargas xestionarase a través da tarxeta SMART MOBILITY  ou dunha aplicación móbil (Recarga Pública Iberdrola) que permitirá incluso reservar a hora na que se quere realizar a recarga.

Seguindo as recomendacións da Unión Europea, en España a partir do 2040 deixarán de venderse vehículos de gasoil ou gasolina para que a partir do 2050 o parque de turismos e vehículos comerciais lixeiros será unicamente eléctrico.