Do 4 ao 21 de outubro Monforte acolle un curso sobre benestar animal no transporte

A Consellería do Medio Rural, a través da Agacal, celebra do 4 ao 21 de outubro un curso sobre benestar animal no transporte. Terá lugar no centro de experimentación forestal de Monforte na modalidade semipresencial.

Porcos celtas. Fonte: USC

Ao longo de 20 horas lectivas -a metade delas no propio CFEA e a outra metade en liña-, a acción formativa abordará temas como a saúde e a seguridade no traballo, o manexo, a hixiene e a prevención sanitaria ou a lexislación sobre benestar animal. Así, este curso ten como obxectivo ofrecer aos alumnos os coñecementos necesarios neste eido para que poidan desenvolver debidamente todas as tarefas relacionadas co transporte de animais.

A acción está dirixida a persoas vinculadas profesionalmente coa agricultura, a gandería, a industria agroalimentaria e o sector forestal ou con expectativas de incorporación, en especial mozos e mozas do rural galego.

Nesta páxina pódense descargar as solicitudes de asistencia correspondentes, que deben remitirse cubertas ao enderezo electrónico maria.estrella.rodriguez.rodriguez@xunta.gal. Os interesados en obter información adicional poden chamar ao teléfono 982889102.

DEIXAR UN COMENTARIO

Please enter your comment!
Please enter your name here