O programa ten como finalidade aumentar a participación social e laboral das mulleres do ámbito rural, a través do desenvolvemento de habilidades e competencias para o emprego e adquisición dos coñecementos sobre os recursos e técnicas máis adecuadas que ofrece internet para a busca activa de emprego.
Conta con 40 horas de duración que se imparten de forma gratuíta, na modalidade presencial e en liña. É impartida pola Fundación Mujeres, que traballa co obxectivo de alcanzar dun xeito integral o empoderamento da muller como un aspecto transversal a evolución en si mesma e nesta ocasión contribuíndo ca dinamización do rural.
O Programa comezou abordando as Competencias dixitais para o emprego. O venres, 22 de outubro tratarán Formación en competencias básicas para o emprego e o autoemprego e o 29 de outubro, Formación en liña para a procura de emprego. As 30 horas restantes de formación impartiranse en liña, para o que únicamente será necesario ter un dispositivo tecnolóxico (móbil, tablet ou ordenador) con conexión a internet e versarán
sobre Técnicas de busca de emprego activa (20 horas) e Procesos de selección (10 horas) .
As mulleres que aínda estean interesadas en participar na actividade poden inscribirse no Centro de Información á Muller sito no Centro Cívico Social ben chamando ao número 982 416 350 ou por correo electrónico na seguinte dirección cim@concellodemonforte.com
