Nas obras de reforma do Campo de Fútbol San Martiño inclúese a remodelación da herba do terreo de xogo, colocando un novo sistema de rego e replantando o céspede. Tamén acondicionouse o campo de adestramento coa colocación dunha capa de terra vexetal e a sementa de céspede. O proxecto incluía tamén a roza e retirada de maleza e a retirada de escombros dunha cancha demolida. Ademais trabállase no peche do recinto co levantamento dun muro de bloque e a colocación dunha rede.

Ademais da reforma do campo de fútbol San Martiño tamén se levan a cabo melloras nas Pistas Multideportivas do parque da Constitución. Nestas dúas instalacións deportivas investiranse preto de 100.000 €. Serán dúas fontes de financiamento distintas coas que se conte para realizar estes traballos de mellora. Por unha parte a Secretaría Xeral para o Deporte da Xunta de Galicia aportará 48.394 €, mentres que do Plan Único da Deputación Provincial de Lugo investiranse outros 48.387´90 €.

En canto ás melloras proxectadas nas pistas multideportivas do parque da Constitución, xa se realizou a roza e limpeza do talude da parte de abaixo e agora vaise substituír a malla inferior e cerrarase a pista con madeira tratada.