Os organizadores da actividade, que contaban coa colaboración do Concello de Quiroga prestando as instalacións, propuxeron unhas casas só aptas para valentes. A palleira, O circo do terror, A vinganza da matanza, A prisión zombi, A mansión dos vampiros e A casa maliciosa eran os nomes das casas do percorrido e dan unha idea do que se podía atopar dentro.

O pavillón municipal foi o centro neurálxico da actividade. Aquí ás 20.00 da tarde presentábase a proposta para despois recoller e os pases que permitían a entrada nas casas do terror e os mapas nos que estaba marcado o recorrido.

A terrorífica xornada rematou cunha festa no pavillón municipal con chocolate para todos os participantes e premio para o mellor disfrace individual e colectivo.