Alumnado de 1º ESO A e B do IES A Pinguela vén de participar nunha clase moi especial. Foi no Viveiro dos Trollos, concello de Bóveda, e a materia tratou de Micoloxía.

Todos os profesores do departamento de Ciencias Naturais estiveron acompañándoos e explicándolles as características que diferenciaban a uns cogomelos doutros, onde atopalos, como collelos…

Á volta puideron presentar no instituto unha pequena exposición cos achádegos e explicarlles aos presentes as especies que nunca se deben de inxerir e como se distinguen, e pola contra, cales non son tóxicas pero sen valor culinario e cales si se consumen e se valoran cada vez máis nos restaurantes da comarca.